Informazioa

Izapide honen bidez edateko uraren hornikuntza zerbitzuan erabiltzaile berriaren alta eta aurreko erabiltzailearen baja eska daitezke.

Titular aldaketa egin eta hurrengo bi egunen buruan kontagailuan esku hartuko da. Kontagailua etxebizitzaren edo lokalaren barruan badago, erabiltzaileak aurretiko hitzordua eskatu beharko du teknikariak kontagailua jar dezan. Kontagailu-gela baldin badago hitzordua ez da beharrezkoa izango.

Eskaera titular berriak eta aurretik zegoenak egin beharko dute. Pertsona juridikoak izatekotan, izapidea horien ordezkariek egin ahal izango dute.

Dokumentazioa

Izapide honen hirugarren pausuan honako dokumentazioa erantsi behar da:

• Ura instalatzeko buletina
• Nortasun-agiria
• Besteak
• Jabetza eskritura
• Alokairu kontratua
• Instalazio partea

Legezko informazioa

• Herritarrek Zerbitzu Publikoetan Sarbide Elektronikoa izateari buruzko ekainaren 22ko 11/2007 Legea
• Herri Administrazioen Araubide Juridikoaren eta Administrazio Prozedura Erkidearen 30/1992 Legea
• Datu Pertsonalen Babesari buruzko abenduaren 13ko 15/1999 Lege Organikoa
• Datu Pertsonalen Babesari buruzko abenduaren 13ko 15/1999 Lege Organikoa garatzen duen araudia onartzen duen Errege Dekretua
• Datu pertsonaletarako jabetza publikoko fitxategiei eta Datuak Babesteko Euskal Bulegoa sortzeari buruzko otsailaren 25eko 2/2004 Legea
• Bizkaiko Lurralde Historikoko Zergei buruzko martxoaren 10eko 2/2005 Foru Araua
• Bizkaiko Foru Aldundiaren 112/2009 Foru Dekretua, uztailaren 21ekoa, Bizkaiko Lurralde Historikoko zergen kudeaketari buruzko Araudia onesten duena
• Bizkaiko Lurralde Historikoko zerga-bilketari buruzko Araudia onesten duen abenduaren 27ko 215/2005 Foru Dekretua
• Toki Ogasunei buruzko ekainaren 30eko 5/89 Foru Araua
• Bilbao Bizkaia Ur Partzuegoaren eremuan erabiltzaileei hornikuntza eta saneamendu zerbitzuak emateagatiko tasak arautzen dituen ordenantza fiskala (2010)
• Ur-honikuntza zerbitzua arautzen duten udal ordenantza fiskalak

Oharrak

Izapide hau hainbat kanalen bidez egin daiteke.

www.arrankudiaga.org webgunean bitarteko telematikoak erabiliz bidera dezakezu.

Barrio Arene, 1, 48498 Arrankudiagan kokatutako udal bulegoetan ere bidera dezakezu. Bertan dagokion inprimakia bete eta «Dokumentazioa» fitxan eskatzen den dokumentuak aurkeztu beharko dira.

Zalantzarik badaukazu edo informazio gehiago eskuratu nahi baduzu, deitu Arrankudiaga Udaleko telefono honetara: 94 648 17 12

Bideratze elektronikoko sistemari buruzko zalantzarik izatekotan, deitu 900 840 250 doako telefono zenbakira BiscayTIKeko Herritarrentzako Arreta Zentroarekin harremanetan jartzeko.